Dy vajzat që u arrestuan nga policia e Korçës tre ditë më parë me akuzën e “pornografisë me të mitur” janë lënë të lira nga gjykata, pas kërkesës së prokurorisë për arrest në shtëpi.
Ato dyshohet se përmes një faqeje në Instagram kanë publikuar materiale me përmbajtje pornografike dhe mesazhe shantazhuese, duke u shtruar hetime për të provuar përfshirjen e tyre dhe të të rinjve të tjerë në këtë ngjarje.
Megjithatë, gjykata vendosi masa më të buta sigurie për vajzat, detyrim paraqitjeje për 19-vjeçaren P.M dhe mbikëqyrje nga prindërit për 17-vjeçaren E.P.
Administratoret e faqes kanë përdorur të njëjtat taktika shantazhi që përdorte grupi “AlbKings” në Telegram, duke kërkuar më shumë materiale intime nën kërcënimin e publikimit të fotove dhe videove ekzistuese.
“Aty çfarë nuk hedhin. I dëmton shumë, njoh vajza që kanë dëmtuar veten e tyre duke prerë damarët”, dëshmonte një prej të prekurave
Shqetësues mbetet fakti se shumë të mitur nuk i denoncojnë rastet e shantazhit nga frika dhe presioni, duke mos kërkuar mbështetjen e prindërve apo ekspertëve
Rasti i Korçës, ashtu si precedenti i “AlbKings”, dëshmon edhe një herë paaftësinë e strukturave shtetërore për të luftuar krimin kibernetik dhe për të mbrojtur çdo qytetar nga abuzuesit virtualë
Ndër të tjera, nevojitet urgjentisht një reformim i thellë i mekanizmave ligjorë dhe forcimi i kapaciteteve teknike për të parandaluar përsëritjen e rasteve të ngjashme në të ardhmen
