Arrestim i paligjshëm nga policia e Durrësit për dy të rinj që akuzoheshin për protestat që ndodhën në këtë qytet pas vrasjes së Klodian Rashës. Gjykata vendosi lirimin nga qelia të dy protestuesve Artion Bajramaj dhe Shyqon Metollari, të cilët u arrestuan pak ditë më parë gjatë protestave të zhvilluara.
Avokatja Merita Dakovelli deklaroi për mediat se gjykata pranoi kërkesën e tyre dhe pasi shqyrtoi provat vendosi lirimin e menjëhershëm të tyre dhe mos marrjen e asnjë mase tjetër sigurie.
“Gjykata konstatoi me kërkesën tonë pasi shqyrtoi provat se arrestimi i tyre ishte i paligjshëm, sepse ato nuk janë organizatorë të tubimit, kanë integritet moral dhe qytetar dhe në këto kushte arrestimi u konsiderua i paligjshëm dhe nga gjykata u vendos lirimi i menjëhershëm i tyre dhe mos marrja e asnjë mase tjetër sigurie.”- tha avokatja.
/Gazetareforma.com/
