Christos Pappas është një prej udhëheqësve të organizatës terroriste “Agimi i Artë” në Greqi dhe pas vendimit të Gjykatës së Athinës për 13 vite burg është arratisur.
Ende nuk ka asnjë informcion mbi vendndodhjen e tij, ndërsa policia ka kontrolluar në 5 banesa dhe nuk ka arritur ta gjejë. I pyetur me arratisjen e klientit të tij, avokati tha se kjo është dëshira e tij dhe se nuk i dihej se çfarë do të ndodhte në ditët në vazhdim.
“Klienti im ka pikëpamjet e tij…Nuk e di se çfarë do të ndodhë nesër, apo pasnesër dhe se çfarë do të vendosë ai. Kjo është arsyeja se ajo që unë them është e vlefshme vetëm për momentin,” është shprehur avokati i Pappas.
Pappas njihet si një ndër armiqtë e mëdhenj të shqiptarëve duke bërë deklarata të forta kundër Shqipërisë në mediat greke por edhe shqiptare.
Vendimi i gjykatës greke për të shpallur Agimin e Artë si një organizatë kriminale është me një rëndësi të veçantë edhe për popullin grek pasi në këtë mënyrë dënohet çdo formë nazizmi.
