Pas Tiranës, gjykata ka pezulluar garën për president të FSHF-së në të gjithë vendin. Zgjedhjet për presidentin e FSHF-së, ishin parashikuar të mbaheshin në datën 2 mars. Kandidatë për kreun e FSHF-së, janë Armand Duka, Dritan Shakohoxha, Sulejman Starova. Shkak, për këtë lëvizje është bërë shqyrtimi i akuzave për manipulime. Kujtojmë se kjo kërkesë është bërë më herët nga ana e bashkisë së Tiranës.
Vendimi i marrë:
1. Pezullimin e efekteve juridike te Vendimit nr. 1, date 10.1.2022, te Komisionit te Verifikimit te FSHF-se, si dhe çdo veprimi apo akti tjeter te dale ne zbatim te ketij vendimi, per realizimin e mbledhjes se Asamblese se Pergjithshme te Zakonshme Zgjedhore te FSHF-se te dates 02.03.2022, deri ne zgjidhjen e konfliktit me nje vendim te formes se prerë.
Kundër këtij vendimi lejohet ankim i vecantë ne Gjykaten e Apelit Tiranë brenda 5 ditëve nga e nesërmja e komunikimit te vendimit të arsyetuar.
Mes kryebashkiakut të Tiranës, Erion Veliajt dhe presidentit të FSHF-së Armando Dukës, prej javësh tashmë duket sikur është hapur një “luftë” në distancë. Publikimi i përgjimeve ku Veliaj, shfaqej duke u bërë presion anëtarëve të shoqatës Rajonale të Fubtollit në mënyrë që këta të fundit të mos votonin për Dukën, u bë shkak i përplasjeve të vazhdueshme.
