Ish zëvendëskryeministri, Arben Ahmetaj është kthyer në një nga njerëzit më të kërkuar në Shqipëri, pasi përfshirjes së tij në afera korruptive, pastrim parash dhe fshehje të pasurisë.
Ishte fillim korriku kur Ahmetaj kufirin në Kakavijë, ndërsa SPAK i kërkoi disa orë më pas Kuvendit dhënien e autorizimit për ta arrestuar si i dyshuar për një sërë veprash penale.
“Prapaskena” mëson se Arben Ahmetaj është larguar më pas nga Greqia me skaf. Ai thuhet se ai kishte prerë online një biletë avioni për në Itali, por që nuk e ka përdorur.
Gjithashtu për të humbur gjurmët se ku është, Ahmetaj nisi një nga celularët e tij drejt Kanadasë, me qëllim që sinjali i celularit të tregonte një vendndodhje të rreme.
“Prapaskena” thotë se ai mund të ketë qëndruar në vilën e tij në Zvicër, e cila rezulton në emër të një biznesmeni të njohur, me lidhje interesash me ish zëvëndëskryeministrin. Më pas dyshohet se ai ka lëvizur drejt Gjermanisë, duke u fshehur në shtëpinë e një gazetari shqiptar, i cili disa ditë në muaj qëndron në Tiranë.
Bëhet me dije se agjentët e Interpol kanë marrë fillimisht informacion për komunikimi intensiv të Ahmetajt me gazetarin, i cili më parë ka ushtruar funksione publike në nivel politik.
Për ditë me radhë celulari gazetarit dhe një nga celularët e Ahmetaj janë lokalizuar përmes sinjalit në të njëjtin vend në Gjermani, zonë ku ndodhet shtëpia e gazetarit.
“Ka dëshmi dhe prova që Ahmetaj e ka rekrutuar dhe paguar gazetarin për të sulmuar ish shokët e tij në biznesin e inceneratorëve, për të sulmuar Erion Veliajn, Ilir Beqajn, Damian Gjiknurin, disa gazetarë dhe personazhe të tjerë, për interesa dhe rrethana të caktuara”, shkruan Prapaskena.
Raporti mes gazetarit në fjalë dhe Ahmetajt është përtej një raporti thjeshtë financiar, pazaresh dhe pastrimi parash.
