Ministrja e Drejtësisë, Etilda Gjonaj, po raporton në Komisionin e Ligjeve, në lidhje me propozimin e ri për amnistinë.
Gjonaj tha se amnistia do të prekë gratë dhe të miturit dhe nuk ka për qëllim uljen e mbipopullimit në burgje.
Ministrja ka listuar kategoritë që përjashtohen nga amnistia, të cilët janë të dënuarit për dhunë në familje, për vepra të rënda penale dhe ata që janë përsëritës.
Më tej Gjonaj ka shtuar, se amnistia do të prekë personat e rehabilituar, duke theksuar uljen me 1/3 të dënimit për 28 gra.
“Amnistia i kushtohet grave dhe të rriturve. Nuk është qëllim ulja e mbipopullimit në burgje. Nuk përfitojnë ata që kanë kryer vepra të rënda penale. Të dënuarit për dhunënë familje nuk përfitojnë amnisti. Personat që kanë përsëritur veprat penale nuk përfitojnë amnisti. Qëllimi është amnistia e personave të rehabilituar.Në momentin ku është hartua amnistia, numri ka qenë i ndryshëm. Disa gra dhe të mitur janë liruar, kjo ka bërë që të ulet numri për amnistinë. Janë dhe 28 gra që përfitojnë ulje të dënimit me 1/3″, u shpreh Gjonaj.
