Raporti javor për rezultatet e luftës kundër korrupsionit, duket se ka sjellë lajme jo të mira disa zyrtarë dhe punonjës të administratës.
Në një deklaratë për mediat, Ministrja e Drejtësisë Etilda Gjokaj ka bërë me bije rezultatet e nxjerra nga Task Forca Antikorrupsion, e cila ka gjetur shkelje në Drejtorinë e Akreditimit të Institucioneve Shëndetësore, por njëkohësisht ka bërë që të ndiqen penalisht edhe disa punonjës policie.
Për shkeljet e vërtetuara në Drejtorinë e Akredimitimit, ministrja bën me dije se ka kërkuar vërejtje për drejtorin, përgjegjësin dhe për 7 specialistë të institucionit, pra në total janë rekomanduar 9 masa për këta punonjës.
“Nga kontrolli janë gjetur parregullsi në mbajtjen e dokumenteve në mospërputhje me ligjin në procedurat e akreditimit të institucioneve shëndetësore. Janë rekomanduar 9 masa, vërejtje për drejtorin e institucionit, përgjegjësin dhe 7 specialistë të akreditimit dhe të drejtave të pacientit. Janë marrë masa për përmirësimin e veprimtarisë së institucionit” deklaroi Ministrja e Drejtësisë, Etilda Gjonaj.
Mirëpo ka pasur marrje masash edhe më të rënda dhe kjo bën fjalë për Drejtorin e Burgut të Vlorës dhe disa punonjës të tjerë, të cilët tashmë janë duke u ndjekur penalisht për shkak se kanë falsifikuar dokumente.
