Avokati Genc Gjokutaj ka quajtur skandalin e përgjimit të Gjykatës Kushtetuese nga SPAK një skenar tipik për diktaturat.
Gjatë një lidhjeje direkte në emisionin *Çim Peka Live* në SYRI TV, Gjokutaj theksoi se ky është një konflikt mes dy institucioneve që, sipas tij, drejtohen së bashku nga Edi Rama.
Këtu nuk flitet për procedurë penale por flitet për një përlasje antiligjore dhe ajo që cenon sigurinë juridike të gjyqtarëve prokurorëve është fakti që SPAK e mohon një fakt të tillë, vënien në përgjim të gjyqtarëve. Ky është një skenar i denjë për diktaturat kur sigurimi i shtetit vinte në përgjim këdo.
Ky SPAK me këtë Gjykatën Kushtetuese e ka pasur ‘muaj mjalti’. Me çështjen ‘Berisha’, refuzimin e bërë nga GjK për 1/5 e deputetëve, pra kjo është një luftë midis dy institucioneve që kanë një bashk-dirigjim nga Edi Rama.
SPAK një vegël në dorë të mazhorancës për të goditur opozitën dhe Kushtetuesja e mbledhur mbi principe politike dhe e betuar te Lana.
Ky është një alarm i madh i cili nuk mund të zgjidhet me këtë substancë që ka SPAK por edhe Gjykata Kushtetuese.
Që nga ky moment prokurori që e ka bërë këtë punë është ligjërish përgjgjës. Është një akt shpërdorimi, tha Gjokutaj.
