Është lënë në fuqi gjoba prej 50 milionë lekësh ndaj kandidatit të pavarur për deputet, minatorit Elton Debreshi. Ai e ka bërë të ditur lajmin me anë të një postimi në Facebook, ku shkruan se urdhri ka ardhur nga lart dhe jo nga ndërgjegjia institucionale. Debreshi thotë se Edi Rama festoi mandatin e tretë duke mbledhur dhjetëra mijëra militantë në shesh, por askush nuk u kujtua që ti kërkojë llogari.
Minatori shprehet se përpjekja e përbashkët sapo ka nisur dhe kur të vijë dita që pushteti i oligarkëve të përdorë masa edhe më shtypëse se gjobat, bashkimi do sjelllë përballjen me të.
Reagimi i plotë:
ZËRI I MINATORËVE NUK HESHTOHET ME GJOBA
Ditën e sotme u thirra në Drejtorinë e Policisë Dibër ku m’u rikonfirmua se gjoba prej 5 milionë lekësh (të reja) do ngelet në fuqi.
Në një shtet ku ligjin e bën më i forti, urdhri nga lart vlen më shumë sesa ndërgjegjja institucionale.
Partitë e mëdha, me paratë e oligarkëve, bënë takime elektorale të mëdha. Ne minatorët, me forcat tona, bëmë aq sa mundëm të bënim dhe për këtë jemi krenarë.
Edi Rama e festoi mandatin e tretë me dhjetëra mijëra militantë në shesh, por askush nuk u kujtua t’i kërkojë llogari për pandeminë.
Përpjekja jonë e përbashkët sapo ka nisur. Do të vijë dita kur pushteti i oligarkëve të perdorë masa edhe më shtypëse sesa gjobat disa-milionëshe. E atëherë, të bashkuar, ne do të jemi gati për t’u përballur me të.
Elton Debreshi kandidoi si i pavarur për deputet në qarkun e Dibrës, por ai nuk arriti t’i siguronte votat e nevjoshme për t’u bërë pjesë e parlamentit. Gjoba ndaj tij u vendos për shkak të aktivitetit hapës të fushatës në 26 mars, edhe pse venimi për ndalimin e grumbullimeve nuk ishte botuar ende në fletoren zyrtare.
