Në Apelin e Gjykatës së Posaçme do të mbahet sot seanca për ankimimin e presidentit të Partisë Lëvizja Socialiste për Integrim, Ilir Meta, dhe deputetes Monika Kryemadhi.
Meta ka apeluar kundër masës së sigurisë “Arrest me burg”, duke argumentuar se nuk ka rrezik për manipulimin e provave dhe se nuk ka arsye të besojë se ai mund të arratiset, pasi ka deklaruar se do të përballet me drejtësinë.
Nga ana tjetër, Kryemadhi ka apeluar masën “Detyrim paraqitje”.
Meta dhe Kryemadhi akuzohen nga SPAK për përfshirje në veprime korrupsioni, pastrim parash dhe mosdeklarim të pasurisë gjatë periudhës kur kanë ushtruar funksione të ndryshme shtetërore.
