Gjykata e Shkallës së Parë për Krimet e Rënda ka shpallur të pafajshëm Eduard Duron, kryetarin e Bashkisë së Devollit, për akuzën e shpërdorimit të detyrës.
Më parë, SPAK kishte kërkuar dënimin e tij me një vit burg, i cili do të konvertohej në tre vite shërbim prove, si dhe ndalimin për pesë vjet nga ushtrimi i funksioneve publike.
Akuzat ndaj Eduard Duros lidhen me licencimin e një biznesi, një pike karburanti në Bilisht, që ishte ndërtuar pa leje. Hetimi kishte nisur pas një kallëzimi të depozituar në SPAK nga një subjekt tjetër.
Përveç Duros, ishin hetuar edhe katër punonjës të tjerë të Bashkisë së Devollit, përfshirë specialistë të taksave dhe sekretarin e përgjithshëm të Bashkisë.
