Gjykata e Posaçme do të japë sot vendimin se çfarë mase do të jepet për ish-kryeministrin, Sali Berisha. Kujtojmë se SPAK ka kërkuar që gjykata t’i japë atij masën “arrest në shtëpi” dhe ndalim komunikimi. Seanca pritet të nisë në orën 12:00.
Avokatët kërkuan sërish përjashtimin e gjyqtares Irena Gjoka, duke pretenduar se ajo ishte në konflikt interesi.
Kjo masë nga SPAK erdhi pasi më herët, ish-kryeministri nuk zbatoi vendimin e Gjykatës, atë të detyrimit me paraqitje para policisë gjyqësore.
Ish-kryeministri Berisha akuzohet si i dyshuar për korrupsion në lidhje me privatizimin e ish-kompleksit Partizani.
