Si rezultat i një operacioni që ka zgjatur 48 orë, blutë e Gjirokastrës kanë kapur rreth 700 kg lëndë narkotike e dyshuar si kanabis, në kufirin e gjelbër, mbi fshatin Dritë, të Bashkisë Dropull.
7 persona që dyshohen si transportues të sasisë së lëndës narkotike janë shoqëruar nga specialistët e DVKM dhe sektorit të krimit të organizuar DVPGj-ja.
Ndërkohë, policia bën me dije se po punohet për zbulimin e autorit të vërtetë të kësaj lënde narkotike.
Sasia e lëndës narkotike është gjetur e ndarë në pako brenda një kasolle, e cila më pas dyshohet se do të transportohej drejt Greqisë.
