Një ngjarje e rëndë ndodhi ditën e djeshme në Tiranë ku një 28-vjeçar humbi jetën pasi u rrëzua aksidentalisht në një lartësi në hotelin ku po qëndronte në bulevardin “Dëshmorët e Kombit”.
Ky është i riu që humbi jetën një ditë më parë në hotel Rogner, në kryeqytet. Ajdin Mustafi, i cili kishte ardhur nga Zvicra një ditë pas ngjarjes gjeti vdekjen për shkak të neglizhencës dhe papërgjegjshmërisë së këtij hoteli, pasi u rrëzua nga dritarja e katit të 5 të hotel Rogner.
Nga të dhënat e marra u bë me dije se i riu ishte mbështetur në kangjellat e dritares së dhomës së tij kur ato për shkak të amortizimit janë shkëputur nga muri dhe i riu ra nga lartësia duke u përplasur mbi një automjet të parkuar poshtë hotelit.
Ai pësoi dëmtime serioze dhe pasi mbërriti në Spitalin e Traumës ndërroi jetë. Policia e Tiranës e ka cilësuar ngjarjen aksidentale megjithatë ka nisur hetimet për sqarimin e plotë të rrethanave të ngjarjes.
Sipas informacioneve të marra bëhet me dije se pritet të merren masa ndaj hotelit e ndërkohë punonjësit kanë ndërhyrë për të përforcuar me vida kangjelllat e dritareve të tjera në dhomat e hotelit. Nga verifikimet është vërejtur se hoteli nuk kishte vendosur asnjë shenjë dalluese për rrezikun që përbënin kangjellat dhe as ka paralajmëruar klientët për mundësinë e shembjes se tyre.
