Tre ditë më parë 30 mjekë e infermierë u nisën nga Shqipëria për në Itali, në ndihmë te kolegëve të tyre, për të luftuar me COVID-19.
Ky gjest bëri shumë bujë në shtetin fqinj, ndërsa reagimet nuk kanë të mbaruar.
Pas kryeministrit Conte, ministrit të Jashtëm di Maio dhe një sërë politikanësh e figurash publike, ka ardhur falenderimi edhe nga eurodeputetët italianë.
Përmes në letre dërguar kryeministrit Edi Rama, ata kanë shprehur vlerësimin e tyre,
Ata e kanë cilësuar dërgimin e mjekëve dhe infermierëve, një gjest të vyer që lidh dy shtetet përgjithmonë dhe shprehje të vlerave që kanë frymëzuar lindjen e Bashkimit Europian.
Më tej ata shkruajnë, se shpresojnë shumë shpejt që ta shohin Shqipërinë në BE.
“I nderuar zoti Kryeministër. Dëshirojmë të shprehim vlerësimin tonë personal për dërgimin në Itali të dhjetëra personave të stafit mjekësor nga ana e Republikës së Shqipërisë. Prezenca e mjekëve dhe infermierëve shqiptarë në zonat më të goditura është një gjest i prekshëm i miqësisë dhe vëllazërisë që lidh shtetet tona përgjithmonë. Vetëm së bashku mund të kalojmë emergjencën COVID-19 dhe përpjekjet tuaja përfaqësojnë një kontribut esencial për të realizuar këtë objektiv të përbashkët. Solidariteti që keni demonstruar është shprehje e vlerave të rëndësishme që kanë frymëzuar lindjen e Bashkimit Europian. Iniciativa juaj është një shembull për të gjithë vendet europiane, në një moment kaq të vështirë për Italinë. Ne e mirëpritëm vendimin e Këshillit për të filluar zyrtarisht negociatat e pranimit të Shqipërisë në BE dhe shpresojmë ta shohim së shpejti Shqipërinë në Komunitetin Europian.
Ju falenderojmë për ndihmën tuaj”, shkruhet në letrën e Eurodeputetëve italianë për Ramën.
