Berlini i ka kërkuar Ankarasë zyrtare ti japë fund provokimeve në Mesdheun Lindor. Gjermania ka dëshmuar në këtë mënyrë solidaritetin e saj të plotë ndaj Greqisë Qipros.
Kreu i diplomacisë gjermane Heiko Maas theksoi këtë të martë para se të nisej drejt Athinës se: “Turqia duhet të shmangë provokimet në Mesdheun Lindor,” ndërsa shtoi se vendi i tij mbështet plotësisht Greqinë dhe Qipron.
“Ankaraja duhet të ndalojë lojërat, nëse është e interesuar për dialog siç ka siguruar vazhdimisht qeveria e saj,” tha ministri i jashtëm gjerman i cili pritet të vizitojë sot Athinën dhe më pas Nikosinë .
Sipas burimeve mediatike Maas do të diskutojë me krerët e qevrive greke dhe qipriote lidhur me tensionet në rajon, të shkaktuara nga pala turke.
Ministri i jashtëm gjerman planifikonte të vizitonte dha Ankaranë për këtë çështje por pas zhvillimeve të fundit mediat citojnë burime nga Bundestagu sipas të cilave kjo vizitë nuk do të kishte kuptim pas zhvillimeve të fundit.
Turqia njoftoi një ditë më parë se do të rikthejë anijen e saj Oruç Reis e cila do të kryejë kërkime për hidrokarbure në afërsi të ishujve grek Kastelorizos dhe Rodos, duke shkelur ujrat territoriale të Greqisë. Mosmarrëveshja për të drejtat e kërkimit në det të hapur bëri që Greqia të kërkojë nga Bashkimi Evropian sanksione kundër Turqisë.
/Gazetareforma.al/
