Gjermania tha se do të dërgojë në Ukrainë “gjysmë batalioni” tanke Leopard 2, përderisa aleatët e NATO-s duket se po vazhdojnë të punojnë për të siguruar makina të rënda që janë zotuar se do t’i dërgojnë Kievit raporton REL.
Berlini tha muajin e kaluar se synon të dërgojë rreth 30 tanke për të ndihmuar forcat ukrainase që të luftojnë pushtimin rus, pasi Gjermania u përball me presion nga Kievi dhe mbështetësit e tij që të japë dritën jeshile për lejimin e dërgimit të tankeve.
Por, ministri gjerman i Mbrojtjes, Boris Pistorius, pas takimit me homologët e tij të NATO-s në Bruksel, tha se deri më tani kanë mbledhur vetëm 14 tanke të reja Leopard të llojit A6, dhe tre nga Portugalia.
“Le të jemi të qartë: Ne nuk kemi arritur të grumbullojmë një batalion. Ne do të ofrojmë gjysmë batalioni”, tha ai.
“Sa i përket Leopardëve gjermanë, dua të them edhe një herë se tanket tona do të dërgohen në javën e fundit të marsit. Kjo është e sigurt”, shtoi ai.
dërkohë lideri çeçen, Ramazan Kadyrov ka kërcënuar kancelarin gjerman Olaf Scholz në idhje me dorëzimin e tankeve të prodhimit gjerman “Leopard 2” në Ukrainë.
Ai është shprehur se forcat pushtuese ruse do të kthehen në Gjermani. “Ne do të kthehemi atje është territori ynë. Gjermania Lindore na përket ne”, ka thënë Kadyrov.
Më herët edhe presidenti rus Vladimir Putin ka mbajtur një qëndrim të ashpër për faktin se tanket gjermane do të dërgoheshin në Ukrainë për të luftuar rusët, shkruan media greke.
