Ditën e djeshme dy motra shqiptare nga Gjakova e Kosovës, humbën jetën në një aksident rrugor të ndodhur në Gjermani.
Mediat gjermane raportojnë se motrat janë të martuara, ndërsa bashkëshortët e tyre janë vëllezër me njëri-tjetrin. H.Sh dhe F.Sh, janë inicialet që mediat gjermane publikojnë për motrat që u ndanë nga jeta. Përpos viktimave, të lënduar nga ky aksident mbetën edhe katër persona të tjerë.
Mediat thonë se në aksident u përfshinë dy makina, tip Mercedes dhe Opel, të cilat u përplasën me njëra-tjetrën ndërmjet ‘Graben-Neudorf dhe Nochstetten’ të Gjermanisë.
Në gjendje të rëndë ndodhet edhe një 51-vjeçar, shoferi i automjetit tip Opel, i cili ka marrë dëmtime të shumta nga përplasja dhe është në luftë për jetën.
