Gjenerali Dedë Prenga ka treguar pasojat që do të ketë Shqipëria prej agresionit rus në Ukrainë, teksa për fax news theksoi se Shqipëria është me fat që ndodhet pjesë e NATO-s pasi ka mbrojtje të madhe por theksoi se në rast të ndonjë sulmi me armë bërthamore është e pamundur strehimi i gjithë popullatës. Sipas Prengës, një ndër pasojat që nuk do t’i shpëtojë vendi jonë është rritja e çmimeve të karburanteve dhe drithërave.
“Të flasësh për nisjen e konfliktit në Ukrainë unë do ta përmblidhja në tre aspekte kryesore që fillon që nga 2005 dhe më pas vijoi në 2014 ku Putin me forcat ushtarake me çdo akt dhe konventë ndërkombëtare , aneksoi plotësisht Krimenë dhe sulmoi dy krahina, këtu është zanafilla. Sot prej 7 vitesh ai ka marrë një agresion të përgjithshëm nga të gjitha anët e Ukrainës. Nëse Ukraina do të ishte pjesë e BE-së unë mendoj se situata nuk do të ishte kjo. BE dhe ndërkombëtarët me qëndrimin e tyre do ta krahasoja me një makineri moderne. Ndërkombëtarët janë zgjuar të befasuar me veprimet agresive të Putin. SHBA dhe Britania e madhe ishin garant të paqes së Ukrainës”, tha fillimisht Prenga.
A ndodhet e rrezikuar Shqipëria nga agresioni rus? “Rreziku është i pranueshëm në çdo çast jo vetëm në Ukrainë por edhe për vendet e tjera, madje edhe të vendet Balltike që janë pjesë e NATO-s. Pa harruar asnjë çast edhe Ballkanin, Serbia është “Rusia e vogël” e Ballkanit, rreziku është aty dhe mund të ndodhë që rreziku të shpërthejë në agresion.
A ka Shqipëria kapacitete për luftë? Është disi e komplikuar por ne si shtet kemi kapacitetet e nevojshme për këtë, presidenti i Republikës ka thirrure në takim këshillin e sigurisë kombëtare. Për sa kohë ne jemi anëtar të NATO-s jemi totalisht të mbrojtur dhe të sigurt pasi NATO që në 4 prill të 1949 është e përcaktuar në marrëveshjen në artikullin 5 thuhet për mbrojtje objektive, “nëse njeri shtet i aleancës sulmohet atëherë gjithë aleanca është prekur”.
Pasojat e konfliktit në vendin tonë? Pasojat e një lufte do të jenë të mëdha. Nëse do ti analizoja do të jetë në 3 rrafshe, e pasojave të konfliktit ushtarak. Janë me qindra jetë të humbura jo vetëm ushtarakë por edhe civilë. E dyta vjen aspekti diplomatik që është dëmtuar dhe e treta as vendi ynë nuk shpëton dot nga problemet ekonomike. Nafta në përqindje të lartë vijnë nga Moska dhe Ukraina. Kompanitë private do të adresohen në burime të tjera por do të thosha se me siguri cmimet do të pësojnë rritje prej agresionit rus në Ukrainë.
Putin sulm me armë bërthamore? Janë 9 vende që kanë armë bërthamore, Rusia qëndron në vendin e parë për mbushjen e këtyre kokave bërthamore. Sigurisht Putin ka nisur një luftë të pajustifikuar në Ukrainë. Sanksionet janë të mëdha shpresoj që Putin të arrin në marrëveshje për të mos arritur në të paparashikueshme që do të thosha apokaliptike. Në rast të ndonjë sulmi të mundshëm me armë bërthamore është e pamundur që e gjithë popullsia të strehohet në bunkerë anti-atomikë”, tha Prenga.
