Ambasadorja amerikane Yuri Kim ka bërë të ditur se në javën e parë të majit, në Shqipëri do të vijnë disa gjeneralë amerikanë. Gjeneralët pritet të vijnë në kuadër të stërvitjes ushtarake “Defender21”. Në një postim në rrjetin social “Twitter”, ambasadorja amerikane e cilëson ngjarjen si një lajm të mirë dhe shkruan se ata do të vëzhgojnë me mijëra ushtarë, marinarë e pilotë amerikanë e shqiptarë, duke punuar bashkë në atë që ajo e cilëson si “stërvitje historike ushtarake.
POSTIMI I AMBASADORES:
“Lajmi i mirë: Së Në javën e parë të majit do t’u urojmë mirëseardhjen disa gjeneralëve amerikanë në Shqipëri si pjesë e Defender21. Ata do të vëzhgojnë mijëra ushtarë, marinarë e pilotë amerikanë e shqiptarë duke punuar bashkë në këtë stërvitje historike ushtarake”, shkroi Kim.
Stërvitja “Defender21″do të zhvillohet nga data 1 maj, deri në14 qershor të këtij viti dhe do të shtrihet në disa vende të Ballkanit, si dhe të Detit të Zi. Në këtë stërvitje, do të marrin pjesë mbi 17 mijë trupa amerikane dhe 14 mijë të tjera nga 26 vende anëtare të NATO-s, që do të vënë në dispozicion të stërvitjes edhe mjete ushtarake. Gjashtë mijë ushtarë amerikanë do të mbërrijnë në Shqipëri në periudhën fund Maji-Qershor të këtij viti. Shqipëria do të përfshijë ushtrinë e saj në organizimin e këtij eventi të madh.
