Një trup i pajetë është gjetur ditën e djeshme në ishullin Paro të Greqisë. Mësohet se kjo ka qenë kufoma e një shtetasi shqiptar dhe është zbuluar dje. Sipas mediave greke, mësohet se bëhet fjalë për një shtetas që mund të jetë i moshës rreth 35-45 vjeç.
Kanë qenë kalimtarët e rastit ata që e zbuluan kufomën dhe më pas kanë lajmëruar menjëherë policinë. Kufoma e cila kishte një shkallë të lartë të dekompozimit, u gjet në Agio Anargiron.
Ende nuk dihen detaje të shumta për ngjarjen, por sipas hetimeve të deritanishme rezulton që viktima të ketë një plagë në kokë. Policia dhe autoritetet përkatëse janë duke vijuar punën me ekspertizën mjeko-ligjore për të zbuluar nëse shqiptari ende i paidentifikuar është vrarë apo nëse mund të ketë rënë nga ndonjë lartësi.
Pak ditë më parë një tjetër shqiptar humbi jetën në shtetin fqinj pasi një konflikti t castit me dy persona të tjerë. 27-vjeçari Mario Metaj u vra me një plumb pas koke në Patra . Autori i vrasjes së të riut shqiptar është dorëzuar në polici ku edhe ka pranuar krimin e kryer nga ai. Po ashtu, një person tjetër që ka qenë bashkëpunëtor në krim është arrestuar nga policia greke.
