Një sasi lënde plasëse është gjetur sot pasdite në një banesë në Vlorë, dhe sipas informacioneve paraprake tritoli është gjendur pranë banesës së shtetasit Gramoz Habilaj në lagjen e quajtur Uji i Ftohtë.
Policia pas njoftimit ka shkuar në vendin e ngjarjes, duke u ndihmuar dhe nga forcat xheniere dhe po punojnë për të bërë shpërthimin e kontrolluar.
Sipas informacioneve që jep Policia, bëhet fjalë për lëndë plasëse artizanale, teksa ende nuk dihen detaje të tjera.
Nga ana tjetër, grupi hetimor ndodhet në vendngjarje dhe po punon për sqarimin dhe zbardhjen e ngjarjes.
“Rreth orës 15:00, në lagjen “Ujë i Ftohtë” Vlorë, është gjetur një sasi e dyshuar lëndë plasëse (artizanale) e pa plasur, pranë banesës së shtetasit G.H.
Grupi hetimor ndodhet në vendngjarje dhe po punon për sqarimin dhe zbardhjen e ngjarjes”, deklaron policia.
