Një tjetër lajm i rëndë vjen nga qyteti i Sarandës ditën e sotme, ku një person është gjetur pa jetë brenda banesës ku jetonte. Mësohet se trupi i personit me inicialet J.G., 68-vjeç është gjetur paraditen e ditës së sotme rreth orës 11:30. Policia ka bërë të ditur se 68-vjeçari dyshohet të ketë ndërruar jetë nga shkaqet natyrale, pasi në trupin e tij nuk janë konstatuar shenja dhune apo dëmtime të tjera. “Sot, rreth orës 11:30, në lagjen nr.4, Sarandë, është gjetur në banesë, pa shenja jete shtetasi J. G., 68 vjeç, i cili nga të dhënat e para dyshohet se ka ndërruar jetë për shkaqe natyrale.”, njofton Policia.
Grupi hetimor i Policisë së qytetit të Sarandës ndodhet në vendin e ngjarjes dhe po punon për zbardhjen e plotë dhe sqarimin e rrethanave të ngjarjes. Gjithashtu nuk ka informacione më të detajuara lidhur me këtë ngjarje.
Njoftimi i plotë i policisë:
Sarandë/ Informacion paraprak. Sot, rreth orës 11:30, në lagjen nr.4, Sarandë, është gjetur në banesë, pa shenja jete shtetasi J. G., 68 vjeç, i cili nga të dhënat e para dyshohet se ka ndërruar jetë për shkaqe natyrale. Nga kqyrja paraprake e trupit të tij, nuk janë konstatuar shenja dhune apo dëmtime të tjera. Grupi hetimor ndodhet në vendngjarje dhe po punon për sqarimin e rrethanave të ngjarjes.
