Konsulli grek Angelos Haritos gjendet i vdekur në një dhomë hoteli, në kryeqytetin e Venezuelës, Karakas.
Mediat greke dhe ato vendase bëjnë me dije se 55-vjeçari u gjet i vdekur ndërsa shoqërohej nga 2 femra.
Televizioni grek SKAI raporton se vdekja e diplomatit ka ardhur si pasojë e probleme shëndetësore.
“Në një dhomë të Hotel Altamira Suites, Konsulli i Përgjithshëm i Ambasadës së Greqisë, Aggelos Haritos (55 vjeç), u gjet i vdekur. Sipas dy grave që e shoqëruan atë, pasi piu alkool, ai shkoi të flejë sepse kishte dhimbje gjoksi. Ai vdiq si pasojë e një infarkti”,- shprehet gazetari venezuelian Darvinson Rojas.
Rojas gjithashtu foli edhe për një dokument zyrtar të autoriteteve lidhur me shkakun e vdekjes së Angelos Haritos, por nuk është akoma e qartë nëse është kryer autopsia. Mësohet se konsulli grek ra në gjumë pas mesnatës sepse nuk ndihej mirë dhe ndërkohë dy femrat pasi tentuan ta zgjonin, thirrën sigurinë e hotelit. Po shqyrtohen të gjitha mundësitë duke përfshirë dhe veprën kriminale.
Bëhet me dije se familja e Haritos jetonte në Greqi. Ky i fundit kishte shërbyer në Venezuelë për dy vite dhe ishte i martuar e kishte një fëmijë.
Burimi:Newsbomb
