Një 50 vjeçar është gjendur i mbytur mëngjesin e kësaj të shtune afër bregut të detit në Durrës. Ngjarja e rëndë ka ndodhur rreth orës 7 të mëngjesit.
Nga konstatimi i parë policor nuk vihen re shenja dhune, çka shton dyshimet se 50 vjeçari është vetëmbytur.
“Nga këqyrja paraprake nuk konstatohen shenja dhune. Grupi hetimor ndodhet në vendngjarje dhe po punon për zbardhjen e rrethanave të ngjarjes.”, shkruhet në njoftimin paraprak të policië
Policia ka shkuar menjëherë në vendngjarje dhe ka nisur hetimet për zbardhjen e plotë të ngjarjes.
Kujtojmë se javën e parë të shkurtit është shënuar një bilanc i zi në vend sa i përket vrasjeve dhe vetëvrasjeve. Mjafton të përmendim rastin e 40 vjeçarit në Fier Shëlzen Kastrati, i cili ndërroi jetë nga një breshëri plumbash, teksa udhëtonte me mjetin e tij.
Sipas autoritet u konstatua se vrasja ishte me paramendim dhe se atentatorët nga Saranda ishin të paguar.
Njoftimi i plotë i Policisë:
Më datë 06.02.2021, në orën 07:30, në lagjen nr.13, Durrës, është gjetur i mbytur në breg të detit, një shtetas i seksit mashkull rreth 50 vjeç, ende i paidentifikuar.
Nga këqyrja paraprake nuk konstatohen shenja dhune. Grupi hetimor ndodhet në vendngjarje dhe po punon për zbardhjen e rrethanave të ngjarje.
