Në mesditën e sotme në qytetin e Vlorës është gjetur i pajetë një i moshuar në banesën e tij.
Mësohet se i moshuari është 91-vjeçari, Seri Petanaj, u gjet i vdekur në banesën e tij në lagjen “4 Heronjtë”.
AbcNews ka mësuar se 91-vjeçari Petanaj është goditur me mjet prerës, pasi ai jetonte i vetëm dhe kishte dëmtime në trup.
Në njoftimin e policisë thuhet se trupi i viktimës është transportuar për në morg për ekspertizë mjeko- ligjore për të përcaktuar shkakun e vdekjes dhe shkakun e dëmtimeve të konstatuara paraprakisht në trupin e viktimës.
Ndërkohë policia dhe grupi hetimor kanë shkuar në vendin e ngjarjes dhe po punojnë për zbardhjen e plotë të rrethanave të ngjarjes.
Njoftimi i policisë:
Në mesditën e sotme, në lagjen “4 Heronjtë” Vlorë, është gjetur i pajetë në banesën e tij shtetasi S. P., 91 vjeç, i cili jetonte vetëm në banesë.
Trupi i viktimës është transportuar për në morg për ekspertizë mjeko- ligjore për të përcaktuar shkakun e vdekjes dhe shkakun e dëmtimeve të konstatuara paraprakisht në trupin e viktimës.
