Një ngjarje e rëndë ka ndodhur pak më Pogradec ku një person është gjetur i mbytur në liqenin e qytetit. Bëhet fjalë për një person të moshës 60-vjeçare, i cili është gjetur i mbytur rreth orës 17:10 gjatë ditës së sotme, buzë liqenit të Ohrit në vendin e quajtur “Ura e qytetit”. Policia njofton se nga këqyrja paraprake e trupit të tij nuk janë konstatuar shenja dhune. Ndërkohë, trupi i pajetë i 60-vjeçarit do të dërgohet në morgun e spitalit dhe do i bëhet ekspertiza mjeko-ligjore për të përcaktuar shkakun e vdekjes. Viktima nuk është identifikuar ende, por grupi hetimor është duke punuar për identifikimin e tij dhe zbardhjen e rrethanave të plota të ngjarjes.
NJOFTIMI I PLOTË NGA POLICIA E SHTETIT:
Pogradec/Informacion paraprak
Më datë 14.02.2021, rreth orës 17:10, në afërsi të vendit të quajtur “Ura e Qytetit”, ne buzë liqenit të Ohrit, është gjetur i mbytur një shtetas rreth 60 vjeç.
Nga këqyrja paraprake e trupit të tij nuk janë konstatuar shenja dhune.
Trupi i pajetë do të dërgohet në morgun e Spitalit, nga ku do të pritet ekspertiza mjeko-ligjore që do të përcaktojë shkakun e vdekjes.
Grupi hetimor eshte duke punuar për identifikimin e viktimës dhe zbardhjen e rrethanave të ngjarjes.
