Aktori legjendar Gene Hackman dhe bashkëshortja e tij, pianistja Betsy Arakawa, u gjetën të vdekur në shtëpinë e tyre në Santa Fe, New Mexico, së bashku me qenin e tyre.
Sherifi i qarkut Santa Fe, Adan Mendoza, konfirmoi se nuk ka shenja të ndonjë akti kriminal, ndërsa shkaku i vdekjes mbetet i panjohur. 
Hackman, 95 vjeç, ishte një nga aktorët më të respektuar të kinemasë, me një karrierë që zgjati mbi katër dekada. Ai fitoi dy çmime Oscar, përfshirë atë për aktorin më të mirë në “The French Connection” dhe për aktorin më të mirë në rol dytësor në “Unforgiven”. Pas tërheqjes nga aktrimi në vitin 2004, Hackman u përqendrua në shkrimin e romaneve historike. 
Betsy Arakawa, 63 vjeç, ishte një pianiste klasike dhe bashkëshorte e përkushtuar. Çifti u martua në vitin 1991 dhe jetonin në Santa Fe që nga vitet 1980. 
Hetimet mbi rrethanat e vdekjes së tyre janë në vazhdim.
