Dy vëllezër të moshuar, Sabri Velaj, 90 vjeç, dhe Novrus Velaj, 85 vjeç, janë gjetur të pajetë në banesën e tyre në fshatin Çorrush të Mallakastrës.
Policia ka njoftuar se dyshohet që vdekja e tyre ka ndodhur për shkaqe natyrore, ndërkohë që hetimet e mëtejshme do të përcaktojnë shkakun e saktë të ngjarjes.
Njoftimi:
Mallakastër/Informacion paraprak
Rreth orës 11:00, në fshatin Çorrush, Mallakastër, në banesën e tyre, janë gjetur pa shenja jete shtetasit Sabri Velaj, 90 vjeç dhe Novrus Velaj, 85 vjeç (vëllezër), të cilët jetonin të vetëm.
Paraprakisht nuk dyshohet për ngjarje kriminale.
Grupi hetimor po punon për sqarimin e rrethanave dhe përcaktimin e shkakut të vdekjes.
