Nënkryetari i PD-së së Rithemelimit, Agron Gjekmarkaj gjatë fjalës së tij në një takim të organizuar në Fushë-Arrëz, deklaroi se fitorja e Partisë Demokratike në këtë bashki është një shembull për të gjithë vendin. Ai i ka falënderuar të gjithë banorët e këtij qyteti, duke u theksuar se ata nuk iu nënshtruan zarfit, por zgjodhën lirinë e demokracinë. Gjekmarkaj shtoi se shembullin e këtij qytetin do ta ndjekë e gjithë Shqipëria.
“Fitorja juaj është shembull sesi përbuzet zarfi. Të gjithë duhet të marrin shembull nga ju sesi ndërtohet fitorja. Ne realizuam bashkimin, që ka tmerruar kryeministrin Edi Rama dhe autokratët, që kanë qeverisur Shqipërinë për mbi 10 vite.
Vendi ynë keqqeveriset, ku ka përbuzje ndaj qytetarëve. PD është partia që solli infrastrukturën, është partia që i ka dhënë identitetin europian Shqipërisë. Motoja “E duam Shqipërinë si gjithë Europa” është sot më e vlefshme se kurrë”, u shpreh Gjekmarkaj.
