Deputeti demokrat Agron Gjekmarkaj, nga takimi i Rithemelimit të PD në Burrel sot, shprehet se kjo force politike po përparon dhe do të vazhdojë drejt fitores në zgjedhjet e ardhshme. Ai thekson se demokratët janë në përballje të një regjimi në një betejë të palëkundshme dhe pa kompromis.
Gjekmarkaj shton se nuk duhet të kemi frikë dhe se në situatat ku qeveria është e korruptuar dhe punon kundër interesave të popullit, qeveria mund të largohet, por populli nuk ikin. “PD është në lëvizje, në rrugë dhe do të ndalet vetëm me fitoren në zgjedhjet e ardhshme. Bashkimi ynë ka sjellë shpresë dhe energji. Ne jemi përballë një regjimi dhe jemi në një betejë të palëkundshme dhe pa kompromis. Në situata ku qeveria është e korruptuar dhe punon kundër popullit të vet, qeveria mund të largohet, por populli nuk ikin. Kjo qeveri po përpiqet të shpërngulë qytetarët për të mbajtur pushtetin. Ne kemi mundësinë ta ndalojmë këtë. Ne besojmë se duke u bashkuar qytet për qytet, fshat për fshat, derë për derë, duke folur me njerëzit, mendojmë se Rama mund të mundet. Ne nuk duhet të trembemi nga ata. Ne jemi një shoqëri e guximshme, e cila e ka dëshmuar këtë kur rrëzoi komunizmin”, tha Gjekmarkaj.
