Policia e Tiranës ka vënë në pranga 6 persona, për vepra të ndryshme penale. Akuzat që rëndojnë mbi gjashtë të arrestuarit janë, posedim i lëndëve narkotike, drejtim i mjetit pa lejen përkatëse apo në gjendje të dehur.
Janë kapur në flagrancë shtetasit A. Z., 24 vjeç dhe E. Ç., 23 vjeç, sepse gjatë kontrollit të mjeteve përkatëse me të cilin këta shtetas qarkullonin në kohë dhe vende të ndryshme, shërbimet e Forcës së Posaçme “Shqiponjat” gjetën dhe sekuestruan një sasi me lëndë narkotike kanabis.
Njoftimi i plotë
Arrestohen në flagrancë 6 shtetas, për vepra të ndryshme penale. Specialistët për Hetimin e Narkotikëve bënë arrrestimin në flagrancë të shtetasve :
Z., 24 vjeç dhe E. Ç., 23 vjeç, sepse gjatë kontrollit të mjeteve përkatëse me të cilin këta shtetas qarkullonin në kohë dhe vende të ndryshme, sherbimet e Forcës së Posaçme “Shqiponjat” gjetën dhe sekuestruan një sasi me lëndë narkotike kanabis.
Specialistët e Qarkullimit Rrugor bënë arrestimin në flagrancë të shtetasve :
L., 41 vjeç, pasi u kap duke drejtuar mjetin pa lejen përkatëse; H., 28 vjeç, G. B., 46 vjeç dhe J. B., 36 vjeç, pasi u kapën duke drejtuar mjete përkase në gjendje të dehur.
Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme.
