Shqiptarët pothuajse çdo ditë bëhen pjesë e kronikave ku arrestohen pasi janë kapur flagrancë në shtëpi të përshtatura për kultivimin e bimëve narkotike, të quajtura ndryshe edhe si ‘shtëpi bari’.
Ndërkohë së fundmi në Birmingham, Angli, është vënë në pranga një 22- vjeçar shqiptar, ku aksioni i policisë ngjan shumë më një skenar filmi.
Bëhet e ditur se riu shqiptar i arrestuar është identifikuar me emrin Xhesi Hajdari, teksa sipas mediave të huaja, ai është kapur në një banesë që ishte kthyer në laborator droge.
Pasi ka vënë re praninë e policisë, ai është përpjekur të arratiset dhe, ka hipur në çati. Por tentative e tij ka rezultuar pa sukses pasi nga aty Xhesi Hajdari është rrëzuar. Ndërkohë oficerët kontrolluan shtëpinë dhe zbuluan më shumë se 150 bimë kanabisi. Energjia elektrike gjithashtu ishte rilidhur në mënyrë të rrezikshme.
Mësohet se i riu shqiptarXhesi Hajdari deklaroi para autoriteteve se kishte hyrë ilegalisht në Britaninë e Madhe për t’i shpëtuar gjakmarrjes, e cila i kishte shkatërruar familjen.
Gjithashtu ai tha se kishte shkuar në Angli për të punuar në ndërtim, por takoi dy shqiptarë që e çuan në Westfield Road.
Në deklaratën e tij i riu thotë se detyra e tij në fermën e kanabisit ishte mirëmbajtja e tyre dhe rritja.
