Zëvendëskryeministrja dhe Ministre e Punëve të Jashtme dhe Diasporës së Kosovës, Donika Gërvalla, u prit nga Misioni i Përhershëm i Shqipërisë në NATO, në një takim ku ishin pranë Ambasadori Ilir Gjoni dhe Përfaqësuesi Ushtarak në Komitetin Ushtarak, Gjeneral Ilir Pujo. Sipas njoftimit të Ministrisë së Jashtme të Kosovës, Gërvalla fillimisht u prit në një takim të përbashkët me Ambasadorin dhe Gjeneralin, për të vazhduar më pas në një takim të përbashkët me strukturat civile dhe ushtarake të Shqipërisë në NATO. Gjatë këtij takimi, Gërvalla vlerësoi rolin e Shqipërisë në ruajtjen e paqes dhe stabilitetit në Ballkanin Perëndimor, dhe shprehu falënderime për mbështetjen ndaj Kosovës në integrimin euroatlantik. Ajo gjithashtu përgëzoi Shqipërinë për arriturat e fundit në fushën e sigurisë, duke përfshirë inaugurimin e Bazës Ajrore Taktike të NATO-s në Kuçovë, e cila është e rëndësishme për rajonin dhe për gjerë.
Mesazhet e Sky ECC në gjyqin ndaj Franc Çopjas: Ta vrasim shpejt, po më lind gruaja
Në gjyqin që po zhvillohet në Bruksel ndaj Franc Çopjas, i konsideruar nga prokuroria federale si figura qendrore e klanit...
