Ishte parashikuar që sot të mbahet seanca për ish-ministrin, Fatmir Mediu për çështjen “Gëerdeci”, për të cilën akuzohet se ka shkelur detyrën si ministër i Mbrojtjes.
Kjo senacë është shtyrë pasi Mediu ka dërguar mesazh gjykatës, duke argumentuar se do të jetë në Kuvend për miratimin e buxhetit të ri.
Lajmin e ka raportuar gazetarja Klodiana Lala, e cila është shprehur se seancën e radhës do të paraqiten 7 dëshmitarë mes tyre Aldo Bumci dhe Shkëlzen Berisha.
Gjyqi i radhës ndaj ish-ministrit do të mbahet më 14 dhjetor, në orën 9:00.
Kujtojmë se Fatmir Mediu i vendosur nën akuzë penale, pas një seance në gjykatë shprehi një ndjesë ndaj familjarëve të viktimave, për çështjen “Gërdeci”, ku si pasojë e shpërthimit të municioneve 26 njerëz humbën jetën.
‘Do doja shumë ta zhbëja atë që ndodhi, por nuk kam asnjë forcë, veçse t’ju shprehë edhe njëherë, keqardhjen e madhe dhe ndjesën e thellë për çfarë pësuan nga tragjedia e 15 Marsit. Për familjarët e viktimave dhe të dëmtuarit në Gërdec, shteti është përgjegjësi që nuk mbrojti jetët e familjarëve të tyre’, tha Mediu.
