Policia e Shtetit ka dhënë detajet e para në lidhje me shpërthimin e makinës së Prokurorit Arjan Muça. Në njoftimin paraprak thuhet se mjeti ka shprethyer si pasojë e lëndës plasëse dhe nga ngjarja nuk ka pasur të lënduar, por vetëm dëme materiale. Grupi hetimor po punon për zbardhjen e rrethanave të ngjarjes, ndërsa janë ngritur pika kontrolli për kapjen e autorit.
Njoftimi i policisë
Tiranë/Informacion paraprak
Me datë 11.03.2021, rreth orës 19:30, tek Komuna e Parisit, në rrethana ende të paqarta ka shpërthyer dyshohet si pasojë e lëndës plasëse mjeti i parkuar në pronësi të shtetasit A. M., ku ka vetëm dëme materiale.
Grupi hetimor ndodhet ne vendngjarje dhe po punon për zbardhjen e plotë të rrethanave të ngjarjes.
Shërbimet e Policisë po kontrollojnë zonën si dhe janë ngritur pika kontrolli me qëllim kapjen e autorit.
Por kush është Arjan Muça?
Mësohet se prokurori ka qenë officer te Krimet e Rënda, ndërsa prej 11 vitesh mban detyrën e prokurorit.Ai ka qenë OPGJ në hetimet e kryera për dosjen e Gërdecit. Për vite ai ka qenë prokuror në Tiranë, ndërsa në vitin 2016 u komandua në Përmet, ndërsa muajt e fundit është komanduar nëTiranë te Këshilli i Lartë i Prokurorisë. Ai bën raportet për gjyqtarët e prokurorët që kalojnë në procesin e Vettingut. Ndër të tjera prokurori është edhe djali i ish-shef i Antiterrorit, Selim Muça si edhe ish-drejtor i forcës së posaçme ku u vrane katër policë nga Dritan Dajti. Po ashtu bashkëshortja e tij, Gentiana Muça është gjyqtare në Gjykatën Administrative të Tiranës.
