Caktohet data për seancën ndaj ish-ministrit të Mbrojtjes, Fatmir Mediu.Mësohet se gjyqtari i çështjes do të jetë Erjon Çela. Gjykata e Posaçme kundër Krimit dhe Korrupsionit ka caktuar datën ku pritet që të vendoset nëse do të rinisë gjykimi për Fatmir Mediun, i cili akuzohet si një nga përgjegjësit e tragjedisë së Gërdecit me 26 të vdekur dhe qindra të plagosur.
Mësohet se seanca ndaj ish-ministrit të Mbrojtjes do të mbahet më 27 korrik, në dhomë këshillimi, ku dhe pritet të vendoset nëse do të vendoset nëse gjykata do të pranojë ose jo kërkesën e SPAK, për rigjykimin e Fatmir Mediut.
Ishte SPAK që kërkoi rigjykimin e Fatmir Mediut, pasi e akuzon si një nga ish zyrtarët përgjegjës për tragjedinë e Gërdecit, me 26 të vrarë dhe qindra të plagosur me argumentin se ai nuk ma imunitet dhe mund të përballet me drejtësinë.
Gjykata e Lartë vendosi t’ia dërgojë këtë çështje për kompetencë GJKKO-së, me arsyetimin se me ndryshimet e fundit ligjore në kuadër të reformës në drejtësi, i takon asaj ta shqyrtojë dosjen penale ndaj ish-zyrtarit të lartë. Sjellim në vëmendje se çështja u rihap pas kërkesës së bërë nga Zamira Durda në adresë të SPAK për të rihapur hetimet, pasi sipas saj, ish-ministri Mediu nuk u hetua pasi u mbrojt nga imuniteti që kishte dhe dosja u nda në vitin 2009.
