Pas një kohe të gjatë duke denoncuar masakrën e ndodhur tek AKSHI dhe AKCESK, ku janë shpenzuar miliona euro për digjitalizime moderne dhe siguri të lartë, por passwordi më i sigurtë ishte “$$Kthesakamzës2018$$”, eksperti i IT, Gent Progni ka vendosur të japë kontributin e tij në politikë duke kandiduar si deputet i pavarur. Kujtojmë se Progni i ka zbërthyer skemën e daljes së të dhënave personale të shqiptarëve, por edhe të dhënave sensitive shtetërore në treg të hapur, duke ekspozuar brishtësinë e sistemeve tona digjitale, të shitura si një sukses nga qeveria. Në një postim në Facebook Progni shkruan se “në qendër të këtij udhëtimi janë dy kauza që më frymëzojnë çdo ditë: fuqizimi i rinisë dhe mbrojtja e të dhënave personale. Rinia jonë, e ardhmja e vendit, meritojnë një platformë që i dëgjon, i mbështet dhe u hap rrugën e mundësive të pafund. Ndërsa, në një botë që bëhet gjithnjë e më dixhitale, siguria e të dhënave tona personale është themelore për të ruajtur lirinë dhe privatësinë e secilit prej nesh.”
Postimi i Gent Prognit:
🌟 Njoftim i Rëndësishëm 🌟
Sot, me një zemër të plotë dhe përkushtim të patundur, njoftoj kandidimin tim si Deputet i Pavarur. Kjo vendimmarrje vjen pas reflektimit të thellë mbi atë që vërtet ka rëndësi për mua dhe për të ardhmen e vendit tonë të dashur, Shqipëri.
🔍 Në qendër të këtij udhëtimi janë dy kauza që më frymëzojnë çdo ditë: fuqizimi i rinisë dhe mbrojtja e të dhënave personale. Rinia jonë, e ardhmja e vendit, meritojnë një platformë që i dëgjon, i mbështet dhe u hap rrugën e mundësive të pafund. Ndërsa, në një botë që bëhet gjithnjë e më dixhitale, siguria e të dhënave tona personale është themelore për të ruajtur lirinë dhe privatësinë e secilit prej nesh.
✊ Kandidimi im si deputet i pavarur është një shprehje e përkushtimit tim ndaj këtyre idealeve. Besoj se së bashku, me një vizion të qartë dhe veprime të vendosura, mund të krijojmë një të ardhme ku të rinjtë janë liderët e ndryshimeve pozitive dhe ku të dhënat personale janë të sigurta dhe të mbrojtura.
🙏 Ju ftoj të bashkoheni me mua në këtë udhëtim. Le të punojmë së bashku për një Shqipëri më të mirë, ku rinia dhe teknologjia ecin dorë për dore drejt një të ardhmeje të ndritur.
#KandidimiIm #DeputetIPavarur #FuqizimiIRinisë #MbrojtjaETëDhënavePersonale #EArdhmjaETeknologjisë #Shqipëria
