Teksa Gazment Bardhi u zgjodh kreu i grupit parlamentar të PD-së, ish-kryeministri Sali Berisha nuk e mbështet këtë vendim.
Berisha ka deklaruar se nuk e njeh Gazment Bardhin si kryetar të grupit parlamentar të PD-së. Praktikisht ish-kryeministri, tashmë i angazhuar totalisht në politikë shprehet se nuk do të njohë asnjë strukturë paralele të Partisë Demokratike, pra në këtë rast as atë të drejtuar nga Gazment Bardhi.
Deklaratën ai e bëri gjatë konferencës së përjavshme për shtyp.
“Ne nuk mund të njohim asnjë lloj strukture paralele të PD-së. I ftojmë të gjithë deputetët të ulen, të diskutojmë. Jemi të hapur ndaj tyre. Por fakte të kryera nga askush nuk njohim ne. Ka rregulla, ka statute”, u shpreh Berisha.
Kryetari i Partisë Demokratike, Sali Berisha ka deklaruar sot se do të kalojë në votëbesim. Në komunikimin e përjavshëm me gazetarët, Berisha tha se do të zbatohet statuti i PD-së për humbjen në zgjedhjet lokale.
“Me status, kryetari që humbet zgjedhjet lokale kalon në votëbesim dhe e njëjta gjë do të ndodhë si me zgjedhje të vjedhur ashtu edhe me zgjedhje të lira. Pra unë nuk kam nevojë për asnjë lloj alibie sepse statuti do të zbatohet pikë për pikë.”, tha ndër të tjera Berisha.
