Në lidhje me ngjarjen e sotme të ndodhur në Rinas është shprehur dhe Ministri i Brendshëm Sandër Lleshaj .
Lleshaj i është përgjigjur akuzave të sekretarit të PD-së Gazment Bardhi, i cili tha se “Policia i hapi rrugën grabitësve”.
Sipas Lleshaj kjo nuk përputhet me realitetin pasi Policia u përplas me autorët gjatë tentativës së tyre për t’u larguar.
Kujtojmë se grabitësit janë përballur me makinën e Forcave të Ndërhyrjes së Shpejtë dhe kanë sulmuar me armë kallashnikov dhe granata FNSH-të, e cila është përgjigjur me zjarr.
Deklarata e Lleshajt:
Edhe në momentin e një përplasjeje me armë të Policisë së Shtetit me një grup të armatosur kriminal, zëdhënësi/sekretari i një partie antiparlamentare sulmon ….. Policinë!!!
Megjithatë të gjithë shqiptarët janë në krah të Policisë së Shetit në luftën e përbashkët kundër krimit të organizuar.
Kjo luftë nuk mund të ndalet nga askush!
