Kryetari i Grupit Parlamentar të PD, Gazment Bardhi, ka akuzuar ministrin e Mbrojtjes, Pirro Vengu, se është emëruar në këtë post nga bandat e Durrësit për shkak të shërbimeve që ka ofruar në Portin e Durrësit.
Bardhi e quajti Vengun një “zar” dhe e akuzoi për lidhje me grupet e krimit, duke e quajtur atë një “ushtar” të Troplinëve dhe të korrupsionit.
“Ty nuk të njoh fare, ty të njoh si ushtar i Troplinëve të Durrësit, kaq të njoh unë ty. Ti je një ushtar i bandave zotëri që je ulur aty, je i pa votuar. Je një njeri që të kanë çuar bandat si ministër i Mbrojtjes për shkak të shërbimeve që i ke bërë në Portin e Durrësit. Ti e di shumë mirë, ti nuk je as më shumë dhe as më pak, një zar. Një zar si drejtor i portit të Durrësit i ke shërbyer bandave për të hapur dyert e portit të Durrësi dhe ke guximin vjen këtu dhe më thua mua të të them je apo nuk je në gjumë. Ti je në gjumë. Ty të kanë sjellë bandat, aferat korruptova. Je një zëdhënës i tyre ne këtë sallë”, u shpreh Bardhi.
