Ditën e sotme gazetarja Klodiana Lala ka reaguar nëpërmjet një statusi në rrjetin social ‘Facebook’ në lidhje me lajmin se ish-Gjenerali i Guardia di Finanza-s, Fabrizio Lisi është arrestuar sot në Itali pasi akuzohet për korrupsion.
Nëpërmjet statusit Lala i bën një thirrje të fortë SPAK duke theksuar se ka detyrimin të nisë menjëherl hetimin ndaj Sekretarit të Përgjithshëm të Kryeministrisë, Engjëll Agaçin, duke qenë se Fabrizio Lisi është mik i ngushtë i Sekretarit të Përgjithshëm të kryeministrit Rama, Engjëll Agaçi.
Gazetarja deklaron se nëse ky hetim nuk kryhet SPAK tregon hapur se është i kapur.
Statusi:
“SPAK ka detyrimin te nise hetimin per Engjell Agacin per aktivitetin e tij ne Itali. Ne te kundert, po na deshmon qe eshte nje institucion i kapur”, shkruan Lala.
Kujtojmë se ish-gjenerali i Guardia di Finanza, Fabricio Lisit, është vënë në pranga mëngjesin e sotëm në një operacion të madh në Napoli. Bashkë me të janë arrestuar edhe edhe një ish-prokuror dhe zyrtarë të tjerë.
Lisi njihet në Shqipëri si njeriu i Engjëll Agaçit dhe Edi Ramës në Itali dhe lidhet e tij me Shqipërinë janë të forta, nisur që nga viti 1997.
Mediat italiane raportuan arrestimin në Itali të Fabricio Lisit, një ish gjeneral i Guardia di Finanza, që bashkë me një grup personash të tjerë, prokurorë dhe biznesmenë, akuzohen për nxjerrje të informacionit të dosjeve hetimore dhe shpërdorim të detyrës.
