Barnat janë padyshim një nga shqetësimet më të mëdha. Pikërisht për këtë arsye kjo është kthyer edhe në temë mediatike ku mbrëmjen e sotme ka qenë duke u diskutuar.
Gazetarja Eglantina Bardhi nga studio e Opinion ka thënë se cilësia e ilaçeve është jashtë kontrollit duke hasur debat në këtë pjesë edhe me ish-ministrin e Shëndetësisë, Leonard Solis, i cili më herët tha se farmaceutika në vend funksionon shumë mirë. Solis nuk hezitoi ta quajë diletante gazetaren që pretendoi se QKB nuk funksionin pasi është në rikonstruksion.
Megjithatë asgjë nuk mbaroi me kaq, pasi gazetarja ka sjellë në emision ambalazhe ilaçesh pa pullë. “Këto medikamente për të sëmurë me kancer shiten në farmaci pa pullë. Tregu është jashtë kontrollit”, tha Bardhi.
Kontrolli në Shqipëri nuk funksionon mesa duket jo vetëm për ushqimet, por edhe për medikamentet, të cilat duket se janë duke shkaktuar problemet më të mëdha të shëndetit.
