E ftuar në një emision televiziv, gazetarja Klodiana Lala ka bërë një deklaratë të fortë, teksa ka folur për zgjedhjen e drejtorit të ri të Policisë së Shtetit.
Sipas saj, kryeministri Edi Rama ka takuar 3 nga 5 kandidatët që kaluan fazat me pikët maksimale.
Ajo deklaroi se njëri prej tyre i ka lënë të kuptojë se nuk kishte pranuar propozimet e kreut të qeverisë.
“Nga 5 emrat që janë dërguar në tryezën e kryeministrit, 3 prej tyre zoti Rama i ka takuar dhe unë kam prova për këtë. Ç’ka do të thotë që mesa unë kam kuptuar kryeministri e ka pasur edhe si preferencë personale zotin Proda sepse mendoj të paktën me njërin nga të tre që kryeministri ka takuar unë kam arritur të kem kontakt. Më la të nënkuptoja që nga mënyra se si ishte zhvilluar biseda, personi në fjalë nuk kishte marrë përsipër atë shërbimin që do duhej t’i bënte mazhorancës.
Ky është skandal, të kem një foto i bie që kryeministri të mos jetë nesër në detyrë, por ne jemi vend çudirash. Unë informacionin e kam të konfirmuar dhe pres kryeministrin të më çojë në gjyq nesër”, theksoi gazetarja.
Zgjedhja e Ilir Prodës si kreu i Policisë së shtetit duket se ka qenë një preferencë personale e kryeministrit Rama, që ashtu si edhe drejtuesit e tjerë të lartë të shtetit, i emëron dhe shkarkon vet, sipas dëshirave personale. Nga ana tjetër, zgjedhja e Prodës në krye të uniformave blu, është kontestuar nga opozita, që e ka cilësuar atë si një njeri të lidhur me krimin
