Rudiana Dervishi, gazetarja e Zërit të Amerikës për vite më radhë humbi jetën në mënyrë të parakohshme para 2 javësh. Dervishi nuk e fitoi dot betejën me kancerin e gjirit. Ndërkohë që mikesha e saj, stilistja Klodi Mengri, ndau për herë të parë kujtime me mikeshën e saj të ndjerë për “Top Channel”. Ato njiheshin prej 26 vitesh dhe ruanin një miqësi të ngushtë, vitet e fundit në distancë pasi Rudina ishte zhvendosur në SHBA për shkak të punës. Shumë e prekur, Klodi kujtoi vizitën e fundit në Amerikë, një vizitë jo ashtu siç ato të dyja e kishin imagjinuar…
“Nuk e pranonte në asnjë mënyrë, nuk e pranonte vdekjen. Nuk donte ta pranonte. Unë isha aty. Të gjitha faktet shkencore thoshin që duhet ta pranonte, por ajo priste mrekulli, mrekullia mund të ndodhë gjithë kohës. Atë priste ajo, atë donte, atë kërkonte”, tha Klodi e cila tregoi se mikja e saj i kishte mësuar të ruante ekuilibrin në atë që ne e quajmë drama e jetës.
E pyetur nga Bieta për ndonjë pishman apo amanet të Rudinës, Klodi tha se meraku i saj i vetëm ishin 3 djemtë.
