Teksa kryebashkiaku i zgjedhur për Himarën, Fredi Beleri vazhdon të qëndrojë në burg, mbëmjen e djeshme një debat në një studio televizive u zhvillua në mënyrë të tillë saqë një nga pjesëmarrësit u largua.
Gazetarja investigative Klodiana Lala ka nxjerrë në emisionin “Open” të Eni Vasilit dokumentet dhe provat e pretenduara nga Prokuroria, kundër shtetasit Fredi Beleri.
Ndërkohë që Dule i cilësoi deklaratat e zonjës Lala, mashtrim skandaloz dhe si përralla fëmijësh. Sipas tij faktet e cituara nga Lala nuk korrespondojnë me atë që ndodhet në dosje, ndërsa gazetarja ka deklaruar se nuk ka përmendur asgjë që nuk ndodhet në dosje, ndërsa ka kërkuar edhe kërkim falje nga ana e tij për fyerjen.
Pas diskutimeve Dule vendos të largohet nga studio televizive, duke e lënë në gjysëm pjesëmarrjen e tij në emisionin ku ishte i ftuar.
Pjesë nga diskutimi:
Lala: Prokuroria thotë pasi janë dorëzuar paratë është bërë arrestimi. Nëse do ishte për mua nuk Fredi Beleri nuk do të duhej të ishte kandidat
Dule: Nuk do qëndroj asnjë moment më tepër nëse nuk më lejoni të flas, nuk jam këtu për dekor.
Dule: Dëgjoj mendime se dikush nuk duhej të kandidonte se ka dyshime. Të gjithë mund të kenë dyshime për të gjithë.
Lala: Ka qenë i pandehur zoti Dule.
Dule: Faleminderit shumë, vijoni, bisedë të mbarë.
Eni Vasili: Nuk i ka hije një politikani si ju.
