Pas ngjarjes së rëndë që ndodhi në Kosovë me një vajzë të moshës 16 vjeçe e cila ka shkuar në polici për të denoncuar profesorin e saj për përdhunim, por në vend të ndihmës, edhe polici abuzoi me të, duke e lënë e shtatzënë, ka reaguar Rudina Xhunga.
Kjo ngjarje vjen vetëm pak ditë pas asaj të ndodhur në Kavajë, ku një vajzë 14 vjeç u shantazhua nga i dashuri i saj dhe e detyroi të kryente marrëdhënie me shokët e tij.
Rudina në një postim në Instagram shkruan se shqiptarët e Kosovës po reagojnë me të kundërtën e asaj që po ndodh në Shqipëri.
“Atje njerëzit kanë dalë në mbështetje, dhe asnjë politikan nuk ka dalë të bëjë deklarata e tu tregojnë gishtin fajtorëve”, shkruan Rudina.
Postimi
Shikoni si reagon Prishtina. Të gjithë me parrulla në duar, kanë dalë në rrugë për t’i thënë jo përdhunimit, pasi një e mitur u abuzua nga profesori i saj dhe polici ku shkoi ta denoncojë. Prishtina e mori ne mbrojtje vajzën, as e gjykoi, as donte ta përzinte nga vendi, siç donin gratë e Kavajës, të përzenë vajzën e vogël që e përdhunuan ca përbindsha, të mitur edhe ata. Në Kosove, nuk plasi debati Thaci- Haradinaj, kush e fshehu ngjarjen, as iu sul kush medias, pse merreni me dramën e vajzes. Ne jemi frikshmërisht larg Europës që kërkuam. E meqë s’po dimë të afrohemi, le të themi: E duam Shqipërinë si Kosova!
https://www.instagram.com/p/BtlLso7ggcL/
