Disa foto me përmbajte të rëndësishme janë bërë publike mbrëmjen e sotme.
Nga emisioni “Opinion”, gazetari Artan Hoxha ka publikuar foto ku shfaqen disa të rinj të armatosur rëndë dhe me maska të zeza.
Hoxha ka thënë se tashmë këto foto janë në dorë të Policisë dhe i përkasin një grupi kriminal pikërisht nga qyteti i Shkodrës. Mirëpo jo vetëm policia i ka këto foto, pasi sipas gazetarit edhe shumë qytetar të këtij qyteti i kanë këto foto.
Këtu hapet përsëri një “diskutim” i ri, pasi edhe sipas gazetari Hoxha, problemi në gjithë këtë mes është i policisë. Sipas tij nëse policia do të punonte më mirë, shumë prej autorëve që kanë kryer vrasje të rënda në këtë qytet tashmë do të ishin identifikuar.
“Bandat e Shkodrës kanë dalë me emër dhe me figurë dhe na kanë kërcënuar, s’kemi kërkuar mbrojte kemi vazhduar punën. Klodiana Lala ka qenë në Elbasan, të njëjtën gjë ka kaluar. Ne nuk jemi kundërshtarë ne jemi aleatë”, tha Hoxha në debat me zëvendës ministrin e Brendshëm.
