Sot ndodhemi para faktit që kemi një opozitë të betuar tashmë në parlament dhe një mazhorancë disi të kënaqur me këtë fakt. Por përsëri sipas analistit Artan Hoxha, brenda PS-së tashmë nuk ka më persona që të reflektojnë dhe të kuptojnë që kjo nuk është një situatë e volitshme.
Këtë deklaratë Hoxha e ka bërë nga studio e Opinion, ku gjithashtu ka thënë se me këtë rrugë që ka ndërmarrë mazhoranca, vendi mund të shkojë drejt një skenari të ngjashëm me vitin 96’. Kjo sipas tij ka për të ndodhur sepse vala e urrejtjes tashmë është duke përfshirë gjithnjë e më shumë të rinjtë dhe ky nuk është tregues i mirë.
“Unë besoj se brenda Partisë Socialiste ka ende energji për të reflektuar. Nëse nuk do ketë reflektim, për të krijuar një qeveri të përkohshme ne do të shkojmë drejt një skenari të ’96. Vala e urrejtjes po përfshin gjithë njerëzit e rinj”, tha Hoxha.
Një tjetër mendim ka ndarë edhe gazetarja Juli Xhokaxhi, e cila ka thënë se Rama nuk ka pasur shumë lidhje me deputetët që kanë pranuar mandatin, përkundrazi janë disa interesa të tjera. Sipas saj ata i kanë hyrë kësaj valleje për të mbyllur ndonjë vrimë.
“Unë besoj që Rama nuk ka patur nevojë t’i kontaktojë, ata që kanë hyrë kanë pasur inate personale me kryetarin, ose për të mbyllur ndonjë vrimë. Pas kësaj valës së parë Rama mund të shtrijë dorën”, ka thënë gazetarja.
