Presidenti i Shteteve të Bashkuara të Amerikës, Donald Trump po përgatitet për të bërë lëvizjen e fundit në prag të largimit nga detyra që e mban prej 4 vitesh.
Sipas mediave amerikane, Trump mësohet se është i gatshëm që të amnistojë 100 persona të burgosur gjatë ditëve të tij të fundit si President i SHBA-së.
Bëhet me dije se sipas protokollit, faljet e të burgosurve janë një prej disa pikave që Trump duhet të plotësojë para se të përfundojë presidenca e tij.
Zyrtarët e Shtëpisë së Bardhë gjithashtu kanë ende urdhra ekzekutivë të përgatitur dhe Presidenti është ende me shpresë për të deklasifikuar informacionin në lidhje me hetimin e Rusisë përpara se të largohet nga zyra.
Mirëpo me një numër në rënie të zyrtarëve të administratës Trump të cilët janë ende në punë, gjasat që ndonjë prej tyre të bëhet, duken se po zvogëlohet.
Trazirat dhe protestat e dhunshme të 6 janarit, që çuan në fajësimin e dytë të Trump, kanë komplikuar dëshirën e tij për të falur veten, fëmijët e tij dhe avokatin personal Rudy Giuliani.
Në këtë pikë, ndihmësit nuk mendojnë se ai do ta bëjë këtë, por vetëm Trump e di se çfarë do të bëjë me pjesën e tij të fundit të pushtetit presidencial para se të dalë zyrtarisht nga zyra në mesditën e 20 janarit./Gazetareforma.com/
